2 лютага арцыбіскуп Тадэвуш Кандрусевіч узначаліць цэлебрацыю святой Імшы ў Ракаве

2 лютага, у свята Ахвяравання Пана, Ганаровы Мітрапаліт Мінска-Магілёўскі арцыбіскуп Тадэвуш Кандрусевіч наведае Ракаў, дзе разам з мясцовымі вернікамі памоліцца ў касцёле Маці Божай Ружанцовай, паведамляе Catholic.by.

Святую Імшу ў гэты святочны дзень іерарх будзе цэлебраваць у інтэнцыі падзякі за духоўную падтрымку і салідарнасць ракаўскіх вернікаў падчас яго чатырохмесячнага выгнання і за малітву аб хутчэйшым вяртанні на радзіму.

Пачатак а 18-й гадзіне.

Падчас Імшы арцыбіскуп Тадэвуш Кандрусевіч здзейсніць традыцыйнае благаслаўленне грамнічных свечак.